У Парыжы ўпершыню за сто гадоў дазволілі купацца ў Сене
У сталіцы Францыі адкрылі тры спецыяльна абсталяваныя зоны для купання, адна з якіх размешчана за некалькі хвілін хады ад Эйфелевай вежы
Сена ў Парыжы. Фота: Éole Wind, Flickr
У Парыжы ўпершыню за сто гадоў афіцыйна дазволілі купацца ў Сене. Пра гэта паведамляе France 24.
Улады горада адкрылі тры спецыяльна абсталяваныя зоны, адна з якіх размешчана ў некалькіх хвілінах хады ад Эйфелевай вежы.
Дзясяткі парыжан і турыстаў ужо карыстаюцца купальнымі зонамі ў гістарычным цэнтры горада.
Забарона на купанне ў галоўнай рацэ Парыжа дзейнічала з 1923 года, аднак арганізатары Алімпіяды-2024 выдаткавалі на ачыстку вады 1,4 мільярда еўра.