У Замбіі звар'яцелая сланіха забіла дзвюх турыстак
Абедзве пажылыя жанчыны загінулі на месцы ад атрыманых траўмаў.
Надзвычайнае здарэнне адбылося ў нацыянальным парку Паўднёвая Луангва ў Замбіі. 68-гадовая брытанка і 67-гадовая грамадзянка Новай Зеландыі гулялі ў суправаджэнні групы, калі яны пабачылі на адлегласці сланіху з дзіцянём. Каб пазбегнуць кантакту, людзі адхіліліся ад маршруту, але праз некалькі хвілін звар'яцелая жывёла пачала даганяць турыстаў.
Сланіху не спужалі папераджальныя стрэлы, і яна напала на людзей. У выніку загінулі дзве пажылыя жанчыны.
Як лічаць эксперты, паводзіны сланіхі могуць тлумачыццам клопатам пра дзіцяня. Штогод ад нападаў гэтых жывёл па ўсім свеце гіне ад 100 да 500 чалавек.