У Ніжагародскай вобласці ўпаў самалёт Су-34
У Ніжагародскай вобласці падчас вучэбна-трэніровачнага палёту ўпаў знішчальнік Су-34, паведамляе «Інтэрфакс» са спасылкай на Мінабароны Расіі.
Фота ілюстрацыйнае
У ведамстве расказалі, што пры заходзе на пасадку адмовіла сістэма выпуску адной са стоек шасі. Экіпаж знішчальніка паспеў катапультавацца, абодва пілоты жывыя.
«Палёт выконваўся без боекамплекта. Самалёт упаў у бязлюдным раёне. На зямлі разбурэнняў няма», — заявілі ў Мінабароны.
Раней паведамлялася, што самалёт упаў у раёне горада Кулябакі і што гэта нібыта быў звышгукавы Су-27.
Гэта ўжо трэцяя катастрофа Су-34 за крыху больш чым год.
У чэрвені мінулага года падчас планавага вучэбна-трэніровачнага палёту самалёт пацярпеў крушэнне ў гарах Паўночнай Асеціі — абодва пілоты загінулі.
У ліпені 2024 года Су-34 разбіўся ў Валгаградскай вобласці — гэта таксама адбылося пры выкананні трэніровачнага палёту. Экіпаж паспеў катапультавацца.
Чытайце таксама:
Украінцы знішчылі два расійскія самалёты на аэрадроме пад Валгаградам, яшчэ два пашкоджаныя
Украіна заявіла пра знішчэнне расійскага Су-34 на аэрадроме ў Растоўскай вобласці