У квартале «Мінск Свет» створаць парк
Зялёную зону створаць на ўчастку, які раней планавалася аддаць пад катэджную забудову.
Мінск Свет. Фота забудоўшчыка
У «Мінск Свеце» стане больш зеляніны, пра гэта распавёў кіраўнік адміністрацыі Кастрычніцкага раёна сталіцы Эдуард Тамільчык, пішуць Мінск-Навіны.
«Ёсць даручэнне старшыні Мінгарвыканкама пра тое, каб на тэрыторыі «Мінск Свету» разбілі паркавы комплекс», — заявіў ён.
Як удакладніў кіраўнік раёна, зялёную зону створаць на ўчастку, які раней планавалася аддаць пад катэджную забудову.
Хутчэй за ўсё, гаворка ідзе пра тэрыторыю на скрыжаванні вуліц Кіжаватава і Жарэса Алфёрава.
«Зараз прапрацоўваецца пытанне па заказчыку. Потым пачнуцца іншыя віды работ», — запэўніў Тамільчык.
І пасля гэтага будзе прынята афіцыйнае рашэнне па стварэнні парку.