Міністр замежных спраў Славакіі заявіў, што, магчыма, Расіі трэба «дараваць усё, што адбылося»
Міністр замежных спраў Славакіі Юрай Бланар заявіў, што трэба наладжваць камунікацыю з Расіяй, каб урэгуляваць вайну ва Украіне.
Міністр замежных спраў Славакіі Юрай Бланар. Фота: Juraj Blanar / Facebook
Канфлікт паміж Украінай і Расіяй не мае ваеннага вырашэння, таму яго трэба прадухіліць з дапамогай камунікацыі і захавання міжнароднага права, сказаў Бланар у эфіры STVR.
Ён дадаў, што Захад павінен знайсці спосаб супрацоўніцтва з Расіяй.
«А можа, нават дараваць усё, што адбылося», — сказаў Бланар.
Сярод краін ЕС Славакія і Венгрыя звычайна блакуюць санкцыі супраць Расіі за вайну ва Украіне.