Орбан упершыню пракаментаваў рэкордны па маштабе ЛГБТ-прайд у Будапешце
Прэм’ер-міністр Венгрыі ў сваіх першых каментарыях аб самым маштабным у гісторыі Будапешта ЛГБТ-прайдзе назваў яго «яшчэ адным доказам» таго, чаму краіне патрэбны кансерватыўны ўрад.
28 чэрвеня 2025 года ў Будапешце ўдзельнікі параду выйшлі на вуліцы, каб абараніць свае правы, нягледзячы на юрыдычную забарону. Яны рабілі сэлфі на фоне банера з выявай прэм’ер-міністра Венгрыі Віктара Орбана, дэманструючы сваё стаўленне да дзяржаўнай палітыкі ў гэтым пункце. Фота: Janos Kummer / Getty Images
Орбан заявіў: «Брусель аддаў загад, што ў Будапешце павінен быць прайд, а палітыкі-марыянеткі выканалі загад», піша «Еўрапейская праўда».
«Гэта доказ таго, якім было б наша жыццё, калі б краінай не кіраваў урад, які абараняе наш суверэнітэт… Дзякуючы ўчорашняму дню мы з яшчэ большай упэўненасцю ведаем, што гэтых людзей нельга нікуды дапускаць», — заявіў Орбан.
Ён таксама абурыўся «агіднымі і ганебнымі рэчамі» падчас прайду, аднёсшы да такіх мужчын на абцасах і распаўсюджванне брашур пра гарманальную тэрапію.
ЛГБТ-прайд у Будапешце 28 чэрвеня стаў самым маштабным для Венгрыі — у значнай ступені з-за рэзанансу вакол яго забароны, які ператварыў падзею ў свайго роду пратэст супраць Віктара Орбана. У мерапрыемстве прынялі ўдзел мэры шэрагу еўрапейскіх гарадоў, а на чале калоны ішоў апазіцыйны мэр Будапешта».