Былы вязень здзівіў Ціханоўскага — яны сядзелі ў суседніх камерах
На віленскі мітынг Ціханоўскіх прыйшоў былы палітвязень Юрый Чудзіновіч. Аказалася, што ён сядзеў побач з Ціханоўскім.
Чудзіновіч узяў слова адным з першых пасля таго, як на мітынгу абвясцілі вольны мікрафон. Ціханоўскі адразу пазнаў яго:
«Гэта прыхільнік Мікалая Віктаравіча Статкевіча, я яго бачыў на мітынгах у Мінску, старая каманда».
Але аказалася, што і Чудзіновічу было чым яго здзівіць. Юрый звярнуўся да Ціханоўскага:
«Ты правільна кажаш, жэстачайшая турма. Ты сядзеў у 17-й хаце (камеры. — НН), крайняй, я сядзеў у 15-й. Я толькі нядаўна вызваліўся».
Ціханоўскі радасна здзівіўся — маўляў, вось хто да мяне грукаўся!
Юрыя Чудзіновіча затрымалі 15 ліпеня 2021 года, абвінавацілі ў распальванні варожасці, паклёпе і нясплаце аліментаў. З 1 мая 2022-га да свайго вызвалення, 10 сакавіка 2025-га, Чудзіновіч знаходзіўся ў жодзінскай турме — як цяпер вядома, у суседняй камеры з Сяргеем Ціханоўскім.
Чытайце таксама:
Ціханоўскі расказаў пра страшныя ўмовы, у якіх сядзіць Статкевіч
Спецслужбы спрабуюць скрасці акаўнты беларусаў, прапануючы паглядзець стрым сустрэчы з Ціханоўскім