У Брагінскім раёне застрэлілі шалёную лісу

Жыхар вёскі Буркі Брагінскага раёна паведаміў у міліцыю, што на ягоны падворак забегла агрэсіўная ліса — яна кідалася на жывёл і нават на яго жонку.

Скрыншот з відэа

На месца інцыдэнту адразу ж прыехалі супрацоўнікі мясцовага РАУС.

Звер паводзіў сябе неадэкватна — з рота ішла пена, поўсць была аблезлая, а паводзіны — трывожныя і агрэсіўныя. Лісу заўважылі каля гаспадарчых пабудоў.

У мэтах бяспекі было прынята рашэнне знішчыць жывёліну з агнястрэльнай зброі. Хапіла аднаго прыцэльнага стрэлу. Пры гэтым ні мясцовыя жыхары, ні міліцыянеры не пацярпелі.

Каментары да артыкула