Прэзідэнт Ірана не прыедзе ў Мінск
Прэзідэнт Ірана Масуд Пезешкіян на фоне абвастрэння на Блізкім Усходзе не зможа наведаць саміт Еўразійскага эканамічнага саюза (ЕАЭС) у Мінску, паведаміў памочнік прэзідэнта Расіі Юрый Ушакоў.
Масуд Пезешкіян. Фота: Vahid Salemi / AP
«Прэзідэнт Ірана Пезешкіян па зразумелых меркаваннях асабіста не возьме ўдзел — не прыедзе ў Мінск. Але накіруе відэазварот», — заявіў Ушакоў.
Пра намер Масуда Пезешкіяна прыехаць у Мінск паведамілі літаральна за некалькі дзён да пачатку ізраільскай аперацыі супраць Ірана. Пры гэтым паведамлялася, што акрамя ўдзелу ў мерапрыемствах ЕАЭС і суправаджаючым яго эканамічным форуме, візіт прэзідэнта Ірана будзе мець таксама афіцыйны характар.
Чытайце таксама:
Хрэнін: Беларусь зацікаўлена ў пашырэнні вайсковага супрацоўніцтва з Іранам