Да дня нараджэння Кузьмы Чорнага выдалі трэці том Збору твораў
У 2023 годзе распачалося выданне Збору твораў класіка беларускай літаратуры Кузьмы Чорнага (1900—1944) у 12 тамах. Напярэдадні 24 чэрвеня, калі было 125-годдзе з нараджэння пісьменніка, з’явілася навіна пра выхад у выдавецтве «Беларуская навука» трэцяга тома, піша Bellit.info.
У трэці том навукова каментаванага Збору твораў Кузьмы Чорнага ўвайшлі апавяданні 1932—1944 гадоў, гэта значыць творы напісаныя ў апошні перыяд яго жыцця, піша паблік De facto. Беларуская навука.
У 1938 годзе Кузьма Чорны (1900—1944) быў арыштаваны і 8 месяцаў утрымліваўся ў Менскай турме, з 1941 году перабываў у эвакуацыі. У верасні 1944-га вярнуўся ў Менск і неўзабаве памёр ад інсульту.
Кніга налічвае 383 старонкі. Навуковы рэдактарам гэтага тому выступіла Алена Васілевіч, над падрыхтоўкай тэкстаў і каментарамі працавалі Ірына Смірнова, Кацярына Чарота.
ЗМЕСТ:
- Злачынца пакараны (Апавяданне Кузьмы Чорнага)
- Сямнаццаць год
- Трухлявае кола
- Брыгадзірава памылка (Апавяданне)
- Звяга (Апавяданне)
- Святая папружка
- Мураваны скляпок
- Як дзядзька Тамаш напалохаў ваўкоў
- Макаркавых Волька (Апавяданне)
- Сцяпанавы дзеці (Апавяданне К. Чорнага)
- Дарагуся
- Родныя мясціны (Апавяданне)
- Зямля (Апавяданне)
- Навагодняя ноч (Апавяданне)
- Маленькая жанчына
- Матчына благаславенне
- Бацька
- Смерць
- Аксеніны сляды
- Паганыя косці
- Матчына кроў
- Агонь (Апавяданне)
- Папялішча
- Прасторны дом (Апавяданне)
- Восень
- Вялікае сэрца
- Гора
- Заўтрашні дзень (Апавяданне)
Купіць кнігу можна праз сайт Kniganosha.by і ў кнігарнях.
Летась выйшаў і быў прэзентаваны ў Інстытуце літаратуразнаўства Акадэміі навук другі том Збору твораў Кузьмы Чорнага.