Трамп перад самітам НАТА: Зяленскі — добры хлопец
Перад пачаткам пасяджэння саміту НАТА ў Гаазе журналісты спыталі Дональда Трампа пра яго будучую сустрэчу з Уладзімірам Зяленскім, піша Bild.
Фота: Alex Brandon / AP
— Вядома, мы абмяркуем яго цяжкасці. Яго некаторыя цяжкасці. Зяленскі — добры хлопец, — пачаў Трамп.
— Паглядзім, — працягнуў ён. — Я шмат размаўляў з Пуціным, і ён, шчыра кажучы, быў вельмі ветлівы. Ён прапанаваў дапамогу па Іране. Я яму сказаў: не, дапамога па Іране мне не патрэбна, мне патрэбна дапамога па Расіі. Зрабі нам паслугу: дапамажы нам з Расіяй, а не з Іранам. Але ён быў вельмі ветлівы.
Пасля гэтага Трамп хутка вярнуўся да абмеркавання тэмы Ірана з журналістамі і больш не спыняўся на вайне ва Украіне.