Хлопец нарваўся на крымінальную справу з-за кніг пра Гары Потэра
У адно з мінскіх РУУС звярнулася пенсіянерка, якая паведаміла, што ў яе ўнучкі зніклі некалькі кніг з хатняй бібліятэкі. Нанесеную шкоду ацанілі прыкладна ў 150 рублёў. А неўзабаве знайшлі і падазраванага, паведамляе ГУУС Мінскага гарвыканкама.
Супрацоўнікі міліцыі затрымалі 22-гадовага хлопца, які некалькі месяцаў здымаў у пенсіянеркі пакой.
Высветлілася, што ён прадаваў праз інтэрнэт кнігі з кватэры. Калі знайшоў пакупніка, адправіў па пошце чатыры кнігі пра Гары Потэра, а пасля хутка выехаў са здымнага жылля.
У дачыненні да хлопца распачатая крымінальная справа за крадзеж.
Чытайце таксама:
У Магілёве жанчына працавала ў банку і «пазычыла» там буйную суму