У Гродзенскай вобласці дзве машыны МНС спяшаліся на выклік і сутыкнуліся: адна звалілася ў кювет
Хто вінаваты ў аварыі двух выратавальных машын, пакуль незразумела.
Фота: МНС
ДТЗ адбылося 23 чэрвеня каля аграгарадка Мікелеўшчына ў Мастоўскім раёне. Дзве машыны МНС спяшаліся на выклік і сутыкнуліся на шашы.
У выніку адна з машын з'ехала на абочыну і перакулілася. Аднаго з ратавальнікаў шпіталізавалі, але пагрозы яго жыццю няма.
Машыны разбітыя. Цяпер аператыўная група МНС разбіраецца, хто вінаваты ў ДТЗ.