Пяскоў: Расія аказала падтрымку Ірану сваёй выразнай пазіцыяй
Прэс-сакратар прэзідэнта РФ Дзмітрый Пяскоў адказаў на крытыку ў адрас Расіі, што яна недастаткова зрабіла для падтрымкі Ірана, піша «Медуза».
Фота: Alexei Danichev, Sputnik, Kremlin Pool Photo via AP
«Цяпер вельмі шмат жадаючых падліць алею ў агонь, каб сапсаваць партнёрскія адносіны паміж Масквой і Тэгеранам», — сказаў Пяскоў падчас брыфінгу.
«Расія сапраўды аказала падтрымку Ірану сваёй выразнай пазіцыяй, якую заняла», — заявіў прэс-сакратар прэзідэнта РФ, дадаўшы, што «выразная пазіцыя» Расіі атрымала высокую ацэнку падчас сустрэчы Пуціна з кіраўніком МЗС Ірана Абасам Арагчы 23 чэрвеня ў Крамлі.
«Мы маем намер і далей развіваць нашы адносіны з Іранам», — запэўніў Пяскоў.
Сёння ноччу Дональд Трамп анансаваў спыненню агню паміж Іранам і Ізраілем.
Чытайце таксама:
Трамп заявіў аб спыненні агню паміж Іранам і Ізраілем