Кіраўнік МЗС Ірана прыбыў у Маскву для перамоваў з Пуціным
Міністр замежных спраў Ірана Абас Аракчы прыбыў у Маскву, каб абмеркаваць з Уладзімірам Пуціным пытанні, якія тычацца нядаўніх удараў Ізраіля і ЗША па іранскіх ядзерных аб’ектах.
Абас Аракчы
Пра гэта паведамляе агенцтва IRNA.
СМІ мяркуюць, што сустрэча з прэзідэнтам РФ адбудзецца ў панядзелак.
Раней Аракчы падкрэсліў, што Масква і Тэгеран маюць «стратэгічнае партнёрства». Дзяржсакратар ЗША Марка Рубіа выказаў незадаволенасць тым, што Аракчы едзе ў Расію, а не на перамовы з ЗША.