Уладзімір Цэслер адрэагаваў карыкатурай на вызваленне Лукашэнкам палітвязняў
Вядомы беларускі мастак і дызайнер апублікаваў сваю новую работу пад назвай «21 чэрвеня»
Новая работа «21 чэрвеня» Уладзіміра Цэслера. Фота з фэйсбука аўтара.
На ёй фрагмент банкноты наміналам 5 беларускіх рублёў, але замест звыклага намінала вялікімі літарамі напісана «14 палітвязняў», а пад гатычнай аркай з герсай дробным шрыфтам — «выйшлі на волю». Відаць, мастак намякае, што для беларускага рэжыму людзі ў турмах толькі сродак абмену, за які можна атрымаць для сябе якія-небудзь выгоды.