Іран раніцай атакаваў Ізраіль найноўшымі балістычнымі ракетамі
Падчас ранішняй атакі на Ізраіль Іран упершыню выкарыстаў балістычную ракету «Хайбар» — найноўшую распрацоўку, заяўляе КВІР.
Паводле паведамлення КВІР, іранцамі былі запушчаныя 40 ракет, прычым ракета «Хайбар» адрозніваецца высокай дакладнасцю, разбуральнай сілай і новай тактыкай прымянення.
Ракета мае дальнасць палёту да 2000 км і можа несці боегалоўку вагой да 1500 кг.
Іранскія вайскоўцы заяўляюць, што мэтамі былі аэрапорт Бен-Гурыёна, лагістычныя базы, а таксама навуковыя і ваенныя аб’екты на тэрыторыі Ізраіля.
Па звестках Арміі абароны Ізраіля, усяго Іран выкарыстаў 20—30 балістычных ракет. Удары і асколкі зафіксаваныя ў больш як дзесяці населеных пунктах, у тым ліку ў жылых раёнах Тэль-Авіва і Хайфы.
Не менш за 86 чалавек пацярпелі ў выніку ранішніх ракетных удараў Ірана па Ізраілі, паведамляе The Times of Israel са спасылкай на ізраільскае Міністэрства аховы здароўя.