Наталля Эйсмант пракаментавала вызваленне вязняў на просьбу ЗША. Асобна — пра Ціханоўскага
Прэс-сакратарка Лукашэнкі Наталля Эйсмант паведаміла, што сярод 14 вызваленых вязняў акрамя беларусаў — грамадзяне Японіі, Польшчы, Латвіі, Эстоніі, Швецыі і ЗША.
Фота: БелТА
«Гэта была просьба прэзідэнта Злучаных Штатаў Амерыкі», — сказала Наталля Эйсмант пра вызваленне, якое адбылося 21 чэрвеня.
Сярод вызваленых — двое грамадзян Японіі, трое грамадзян Польшчы, двое грамадзян Латвіі, а таксама грамадзяне Эстоніі, Швецыі і ЗША.
Сяргей Ціханоўскі, па словах Эйсмант, быў вызвалены «з гуманных меркаванняў, з мэтай уз'яднання сям’і».