Мінская міліцыя абвяргае інфармацыю пра маньяка, які дзейнічае ў сталіцы
У інтэрнэце распаўсюджваецца інфармацыя, нібыта ў Мінску дзейнічае маньяк, ад рук якога загінулі каля 20 дзяўчат.
Акрамя няпэўных тэкставых паведамленняў (у тым ліку з апісаннем знешнасці неіснуючага злачынцы), у месенджарах таксама распаўсюджваюцца відэа з трупамі нібыта забітых жанчын. Выкарыстаныя нават сапраўдныя фатаграфіі і відэа загінулых у Мінску людзей, смерці якіх не маюць крымінальнага характару.
Сталічная міліцыя абвяргае інфармацыю пра маньяка. Яна паведамляе, што крымінагенная абстаноўка ў Мінску застаецца спакойнай і кантраляванай. Серыйных забойстваў у сталіцы здзейснена не было.
Паведамляецца, што супрацоўнікі міліцыі шукаюць тых, хто распаўсюджвае недакладную інфармацыю.