У Барысаве дрэва ўпала так, што пашкодзіла два аўтамабілі і вокны на трох паверхах
У Мінскай вобласці ратавальнікі ліквідуюць наступствы кепскага надвор'я, паведамляе прэс-служба Міністэрства надзвычайных сітуацый. Паводле аператыўнай інфармацыі, зафіксаваная два выпадкі падзення дрэў — у Барысаўскім і Пухавіцкім раёнах.
Скрыншот з відэа
У Барысаве на вуліцы Чапаева дрэва ўпала на два аўтамабілі і пашкодзіла вокны кватэр на першым, другім і трэцім паверхах шматпавярховага дома.
Папярэдне паведамляецца, што пацярпелых няма. Супрацоўнікі МНС займаюцца распілоўкай і прыбіраннем паваленых дрэў.