Канапацкая прызналася, што гэта яна арганізавала візіт Келага ў Беларусь
Спарынг-партнёрка Лукашэнкі перакананая, што спрацаваў яе допіс у твітары з абвінавачваннямі Офіса Ціханоўскай.
Кандыдатка ў прэзідэнты — 2020 і 2025 — Ганна Канапацкая апублікавала ў фэйсбуку сумбурны допіс, у якім назвала сябе датычнай да арганізацыі візіту ў Беларусь Кіта Келага, спецпасланніка прэзідэнта ЗША.
«Кропля камень точыць. Пасля майго публічнага звароту ў сетцы X (а яно, аказваецца, працуе! ) адбылося ўслед некалькі кантактаў, кансультацый і сустрэч, адным з вынікаў якіх мы атрымалі візіт спецпасланніка прэзідэнта ЗША Кіта Келага», — запэўнівае Канапацкая.
Яе твіт з заклікам да амерыканскіх уладаў быў апублікаваны ў лютым 2025 года. Канапацкая прасіла правесці праверку дзейнасці Офіса Святланы Ціханоўскай і абвінавачвала апазіцыйных палітыкаў у крадзяжах і махлярствах. Яна пакінула ў сваім допісе спасылкі на твітары кіраўніцтва ЗША, у тым ліку і Кіта Келага.
Допіс папулярнага і ўплывовага палітыка Ганны Канапацкай сабраў за чатыры месяцы 9 лайкаў, 10 рэпостаў і 11 каментароў. Самыя папулярныя каментары — «Ах ты ж прашма*доўка на нашу Свету кляўзы пішаш??» і «Анна, а почему тебя е*ёт?», сабралі столькі ж лайкаў, як і арыгінальны допіс кандыдаткі ў прэзідэнты.
Чытайце таксама:Калі Канапацкая стала цалкам падкантрольная Лукашэнку?
Чытайце таксама:
Два беларускія дэпутаты з’ездзілі ў Вену. Канапацкая намякае, што была недзе побач
Канапацкая: Ніякая гэта не апазіцыя, а зборышча самазванцаў і махляроў
Сын Канапацкай кіруе свінакомплексам, а дачка вучыцца ў Аўстрыі