У Бішкеку адбыўся маштабны блэкаўт
У сталіцы Кыргызстана Бішкеку адбыўся маштабны блэкаўт, без электраэнергіі засталася значная частка горада.
Адключэнне адбылося каля 13:20 па мясцовым часе (10:20 па Мінску), закрануўшы як жылыя раёны, так і адміністрацыйныя будынкі.
Жыхары многіх раёнаў Бішкека скардзяцца на праблемы з электрычнасцю. Паводле слоў гараджан, спачатку напружанне моцна ўпала, а потым зусім знікла.
Праблемы з электрычнасцю назіраюцца па ўсёй Чуйскай вобласці.
Акрамя гэтага, бішкекцы паведамляюць пра адключэнне вады.