Белгідрамет абвясціў аранжавы ўзровень небяспекі
17 чэрвеня Белгідрамет абвясціў аранжавы ўзровень небяспекі для большай часткі Беларусі, у тым ліку Мінска. Прычына — моцны парывісты вецер, які, паводле прагнозаў, можа дасягаць хуткасці 15—18 м/с і працягнецца да вечара.
Фота ілюстрацыйнае
Сіноптыкі папярэдзілі, што асабліва варта быць уважлівымі з 14:45 да 21:00 — менавіта ў гэты час моцны вецер ахопіць вялікую частку краіны. Згодна са шкалой Бафорта, гэта ўжо «моцны» або «вельмі моцны» вецер.
Паводле карты «Метэапапярэджання», найбольш небяспечнымі абвешчаныя Гродзенская, Мінская і Магілёўская вобласці, дзе магчымыя не толькі парывы ветру, але і навальніцы. Для Віцебскай вобласці ўсталяваны жоўты ўзровень небяспекі.
Чытайце таксама:
Наступны тыдзень будзе дажджлівы і прахалодны
Больш за 70 населеных пунктаў засталіся без электрычнасці ў Гомельскай вобласці праз непагадзь
Учора Мінск зноў затапіла. Чаму сталіца не гатовая да дажджоў?