Беларускія кнігі з’явіліся ў папулярнай польскай кнігарні Empik
На інтэрнэт-пляцоўцы папулярнай польскай сеткі кнігарняў Empik з’явіліся ў продажы беларускія выданні. Цяпер там даступныя кнігі выдавецтваў «Янушкевіч», Gutenberg і «Пфляўмбаўм», піша Most.
Фота: Empik.com
Як паведаміла выдавецтва «Янушкевіч», прапанова супрацоўніцтва паступіла ад самога Empik — бо людзі шукалі там беларускія кнігі. Пляцоўка прапанавала беларускім выдаўцам спрыяльныя ўмовы, знізіўшы камісію з 30% да 15%.
Цяпер на Empik.com ёсць у продажы 69 назваў кніг. Сярод іх выданні Алеся Белага, Альгерда Бахарэвіча, Евы Вежнавец, Сашы Філіпенкі, Камілы Цень, а таксама пераклады Габрыэля Гарсіі Маркеса, Сяргія Жадана, Вольгі Такарчук, Джоан Роўлінг, Эрыха Марыі Рэмарка.
Кнігі можна замовіць толькі праз інтэрнэт-пляцоўку Empik, на паліцах сеткі іх няма.
Чытайце таксама:
«Не спяшы, Юр’еўна. Не тарапісь. А то апаздаеш». У беларусаў з’явілася свая міс Марпл
Хлусня і рэпутацыя анлайн. Сучасны амерыканскі бестселер выйшаў па-беларуску