Вясковец запраўляў бензапілу і закурыў
У Полацкім раёне мужчына атрымаў апёкі пры запраўцы бензапілы, паведамляе МНС.
Інцыдэнт адбыўся 15 чэрвеня ў в. Крывоеўшчына.
Падчас запраўкі бензапілы 60-гадовы мужчына праліў на сябе лёгкаўзгаральную вадкасць. Не надаючы гэтаму значэння, ён закурыў цыгарэту, што і прывяло да ўзгарання на ім адзення. Сведкай гэтай сітуацыі стала суседка, якая выклікала хуткую дапамогу.
Пацярпелы быў шпіталізаваны з апёкамі рознай ступені цяжкасці.