Вярхоўны лідар Ірана пагражае Ізраілю наступствамі
Хаменеі сказаў, што дае поўную свабоду дзеянняў ваенным.
Вярхоўны лідар аятала Алі Хаменеі на фоне фота былога аяталы Хамейні. Фота: Office of the Iranian Supreme Leader via AP
Вярхоўны лідар Ірана аятала Алі Хаменеі папярэдзіў Ізраіль пра «горкія і балючыя» наступствы пасля ўдараў па іранскай тэрыторыі, піша Бі-бі-сі.
Узброеныя сілы Ірана раней паабяцалі «рашучы адказ» на ізраільскае нападзенне.
Хаменеі сказаў, што дае поўную свабоду дзеянняў ваенным.
Тым часам у Тэгеране раніцай у пятніцу прагучала новая серыя выбухаў, паведаміла дзяржаўнае тэлебачанне.
Паводле яго даных, спрацавала сістэма супрацьпаветранай абароны.
Выбухі таксама чулі карэспандэнты AFP у горадзе.