У Мсціслаўскім раёне Volkswagen сутыкнуўся з трактарам — кіроўца легкавіка загінуў
Трагедыя адбылася на 65-м кіламетры аўтадарогі Р-15 «Крычаў — Орша — Лепель», паведамляе ДАІ.
53-гадовы кіроўца аўтамабіля Volkswagen сутыкнуўся з трактарам МТЗ 1221В з паўпрычэпам (бочкай), які ехаў у спадарожным напрамку.
У выніку кіроўцу легкавіка шпіталізавалі ў рэанімацыю, дзе ён памёр ад атрыманых траўмаў.