Кіроўца выйшаў агледзець машыну пасля ДТЗ і быў збіты насмерць
Аварыя адбылася каля 00:00 9 чэрвеня на 52-м кіламетры аўтадарогі Р-21 «Віцебск — мяжа Расіі» ў Лёзненскім раёне, паведамляе «Міліцыя Віцебшчыны».
53-гадовы кіроўца Hyundai, рухаючыся з боку Віцебска, здзейсніў наезд на раптоўна выбегшага на дарогу лася.
Пасля ДТЗ мужчына выйшаў з аўтамабіля на праезную частку, дзе на яго быў здзейснены наезд Kia Sportage, які рухаўся ў сустрэчным напрамку.
У выніку аварыі мужчына ад атрыманых цялесных пашкоджанняў памёр на месцы здарэння.