У Глуску ў Пцічы патануў мужчына. Цела шукалі два дні
У райцэнтры Глуску ў рацэ Пціч патануў 27-гадовы мужчына. Як паведамляе МНС, яго шукалі з вечара 7 чэрвеня, а знайшлі толькі сёння.
Фота: МНС
Відавочцы расказалі, што кампанія моладзі адпачывала на беразе. У пэўны момант яны пабачылі, як адзін з мужчын упаў у раку, крыху праплыў і знік пад вадой. Мяркуецца, што ён быў нецвярозы.
Спачатку сябры спрабавалі выратаваць таварыша самастойна, але безвынікова. Тады яны звярнуліся па дапамогу. Сёння, 9 чэрвеня, каля 15:30 цела было знойдзена вадалазамі МНС.