У Магілёве прадаюць 10 тон бульбы ўсяго па 60 капеек за кіло. Што з ёй не так?

На сайце аб’яў з’явілася незвычайна танная бульба — усяго па 60 капеек за кілаграм. Пры гэтым яе шмат — ажно 10 тон, і прадаецца яна ў Магілёве, заўважыў Blizko.by.

Чаму такая нізкая цана? У апісанні пазначана, што гэта корм для жывёлы, хоць і можна выкарыстоўваць як захочацца. Бульба дробная або сярэдняя, сухая, без гнілі і бруду, але вельмі цвёрдая — «як камень». Расфасаваная па сетках па 33—34 кілаграмы.

На фотаздымках бульба выглядае не такой ужо і дробнай, як заяўлена.

З-за сваёй цвёрдасці яна, хутчэй за ўсё, не падыдзе для таго, каб варыць ці класці ў супы. Да таго ж аб’ява размешчаная ў раздзеле тавараў для жывёл, таму трэба быць уважлівымі.

Калі набыць больш за 300 кілаграмаў, прадавец абяцае бясплатную дастаўку па Магілёве і раённых цэнтрах вобласці.

Каментары да артыкула