Пад Слуцкам пажылы мужчына на поўнай хуткасці выпаў з мікрааўтобуса
Кіроўца паварочваў налева і згубіў свайго пасажыра.
Фота: УУС Мінаблвыканкама
У Слуцкім раёне пасажыр выпаў з салона аўтамабіля.
Незвычайны выпадак адбыўся ў панядзелак увечары ў вёсцы Ячава. Volkswagen Crafter ехаў па вуліцы Цэнтральнай, за стырном быў 47-гадовы кіроўца. У нейкі момант ён пачаў паварочваць налева, і адбылося нечаканае.
Правыя дзвeры адчыніліся, 62-гадовы пасажыр не ўтрымаўся на сядзенні і выпаў з аўто на праезную частку.
Пажылы мужчына выжыў, але атрымаў траўмы. Яго адправілі ў бальніцу.