Трамп: Індыя і Пакістан дамовіліся аб поўным спыненні агню
Прэзідэнт ЗША Дональд Трамп у сваёй сацсетцы Truth паведаміў, што гэта адбылося пасля «доўгай ночы перамоў з пасярэдніцтвам Злучаных Штатаў». Гэта ж пацвердзіў і начальнік МЗС Пакістана.
Дональд Трамп. Фота: Joe Raedle / Getty Images
Трамп аб'явіў аб спыненні агню паміж Індыяй і Пакістанам і павіншаваў краіны.
Скрыншот паведамлення Трампа ў Truth
«Пасля доўгай ночы перамоў з пасярэдніцтвам Злучаных Штатаў я рады аб'явіць, што Індыя і Пакістан дамовіліся аб поўным і неадкладным спыненні агню. Віншуем абедзве краіны з тым, што яны праявілі здаровы сэнс і высокі інтэлект. Дзякуй вам за вашу ўвагу да гэтага пытання!», — напісаў ён.
Індыя гэту заяву пакуль афіцыйна не каментавала. Глава МЗС Пакістана пацвердзіў, што краіны дамовіліся пра неадкладнае спыненне агню.