Андрэй Лемяшонак назваў Свята-Елісавецінскі манастыр «баявой адзінкай»

Протаіерэй Андрэй Лемяшонак, духоўнік Свята-Елісавецінскага манастыра ў Мінску, у віншаванні да Дня Перамогі звязаў гэты памятны дзень з цяперашнім уварваннем расійскіх войскаў ва Украіну і заявіў, што ягоны манастыр у гэтым супрацьстаянні — «баявая адзінка», піша «Хрысціянская візія».

Андрэй Лемяшонак

Паводле слоў вядомага сваёй паслядоўнай прарасійскай пазіцыяй Андрэя Лемяшонка, «сёння зноў ідзе вайна» — цяпер «з тым жа фашызмам, з бязбожнасцю і нячысцікам», а тыя вайскоўцы, што загінулі, на думку святара, — «нашы лепшыя хлопцы», сучасныя «абаронцы».

Лемяшонак заявіў, што манастыр, дзе ён служыць, сёння «таксама баявая адзінка», а яго сёстры «ваююць за нашу будучыню».

Ён падкрэсліў, што вайна будзе працягвацца, паколькі «свет, які адпрэчыў Бога», не здольны пакаяцца.

Каментары да артыкула