Паўднёвы ўсход Беларусі накрывае моцная бура
Па Магілёўскай і Гомельскай вобласці — залевы і навальніцы са шквалістым ветрам да 20 м/с.
Скрын: Метеовайб / Telegram
Па Беларусі сфармавалася некалькі магутных супер'ячэек — гэта разнавіднасць навальнічнага воблака з узыходзячым паветраным патокам сярэдняга маштабу, які верціцца. Такія супер'ячэйкі могуць прынесці не толькі ліўні і град з моцным ветрам, але і смерчы.
Глускі раён. Фота: Метеовайб / Telegram
Бура ўжо закранула Бабруйскі раён, Глускі, Слаўгарадскі, паведамляе канал пра надвор'е «Метэавайб».
Фота: Метеовайб / Telegram
«Затое машыну не трэба мыць — бясплатная аўтамыйка», — рэагуюць жыхары Бабруйска на залеву.