БЕЛ Ł РУС

МЗС Расіі: За планам аднаўлення Украіны ў межах 1991 года стаіць людаедскі інстынкт знішчэння ўсяго рускага

1.05.2025 / 18:13

Nashaniva.com

Міністэрства замежных спраў Расіі выказалася наконт тэрытарыяльнага пытання ў вайне з Украінай.

Міністр замежных спраў Расіі Сяргей Лаўроў. Фота: mfa_russia / Twitter

«Цалкам відавочна, што за марнымі і беспадстаўнымі дамаганнямі Кіеўскага рэжыму і сіл на Захадзе, якія падтрымліваюць яго, на так званае аднаўленне Украіны ў межах 1991 года стаіць людаедскі інстынкт знішчэння ўсяго рускага. Зразумела, Расія ніколі не дапусціць рэалізацыі такога сцэнару», — апублікавала заяву МЗС Расіі.

Раней Уладзімір Зяленскі заяўляў, што Украіна не прызнае расійскай акупацыі Крыма. Разам з тым ён прызнаваў, што ва Украіны недастаткова зброі, каб цяпер вярнуць Крым, але свет можа ціснуць на Маскву, каб вырашыць тэрытарыяльныя пытанні.

Спецпасланнік Трампа Кіт Келаг у сваю чаргу заявіў пра гатоўнасць Зяленскага да тэрытарыяльных саступак Расіі.

«Украіна гатовая саступіць тэрыторыі, якія Расія фактычна займае, хоць і не прызнаваць гэта юрыдычна назаўсёды. Яны згодныя на такі варыянт. Яны разумеюць, што пры ўсталяванні перамір’я кожны бок застанецца на занятых ім пазіцыях», — сказаў ён у інтэрв’ю Fox News.

Чытайце таксама:

Каментары да артыкула