Спецпасланнік Трампа вымушаны быў чакаць Пуціна восем гадзін. Менавіта для таго ў Маскву выклікалі Лукашэнку
Надоўга ў Маскве ён не затрымаўся, піша Sky News.
Стыў Уіткоф ля пасольства ЗША ў Маскве. Фота: РэнТВ
Журналісты Sky News зразумелі гэта па кадрах з аэрапорта Унукава, на якіх відаць, калі Стыў Уіткоф прыбыў у Маскву і калі з'ехаў.
Усяго ў сталіцы Расіі ён прабыў каля 12 гадзінаў, пакінуўшы краіну праз некалькі гадзінаў пасля перамоваў.
Пасля таго, як у аўторак стала вядома пра паездку Уіткофа ў Маскву, Крэмль на хуткую руку арганізаваў візіт Лукашэнкі, пра які стала вядома ў сераду.
І хаця Sky News не можа пацвердзіць, што візіт Лукашэнкі ў дзень прыезду Уіткофа быў наўмысным, такая накладка не выглядае як супадзенне.