У Мінску міліцыя сёння ачапіла тэрыторыю вакол ГУМа
Тэрыторыя каля ГУМа сёння нейкі час была ачэпленая. Побач з крамай стаялі агароджы і некалькі службовых машын. Праходы вакол былі зачыненыя, а грамадскі транспарт не спыняўся, пішуць «Мінск-Навіны».
Фота: «Точка»
Паводле інфармацыі ГУУС Мінгарвыканкама, тэрыторыю ачапілі для праверкі.
Але падстаў для хвалявання няма, бо прычынай гэтых надзвычайных мер стала тое, што нейкая жанчына забылася каля ГУМа скрынку з мікрахвалёўкай.