Нелаяльных уладам беларусаў дазволілі браць на працу — BYPOL
Аб'яднанне былых сілавікоў BYPOL са спасылкай на свае крыніцы паведаміла, што кіраўнікі дзяржаўных арганізацый атрымалі дазвол прымаць на працу беларусаў, якія ў 2020-м годзе паставілі подпісы за альтэрнатыўных кандыдатаў.
Іншых падрабязнасцяў няма. Як няма і пацверджанняў гэтай інфармацыі.
У BYPOL мяркуюць, што такое рашэнне звязана з «катастрафічным кадравым голадам, які адчуваюць многія галіны пасля масавых звальненняў «нядобранадзейных» спецыялістаў».
Гэта інфармацыя супярэчыць апошнім заяўленням Аляксандра Лукашэнкі. Лукашэнка лічыць, што тым, хто працуе ў «адукацыі, СМІ, культуры, спорце», дараваць выступы 2020 года нельга.