Кіраўніком Гродзеншчыны часова будзе Юрый Караеў
Юрый Караеў прызначаны выконваючым абавязкі старшыні Гродзенскага абласнога выканаўчага камітэта.
Гэтым жа дакументам ён вызвалены ад пасады памочніка Лукашэнкі — інспектара па Гродзенскай вобласці.
Раней ён быў памочнікам Лукашэнкі па Гродзенскай вобласці, а перад тым узначальваў Міністэрства ўнутраных спраў.
Нагадаем, што сёння былога кіраўніка Гродзеншчыны Уладзіміра Караніка прызначылі віцэ-прэм'ерам.
Былы віцэ-прэм'ер Ігар Петрышэнка стане першым намеснікам генеральнага сакратара Выканкама СНД.