Лукашэнка сабраў нараду па цэнах
28 лютага Аляксандр Лукашэнка сабраў нараду, прысвечаную распрацоўцы новай сістэмы рэгулявання цэн, піша БелТА.
«Сёння ў нас на парадку дня важнейшая тэма — новая сістэма рэгулявання цэн. Я яе часта называў «справядлівай формулай», якую вы павінны былі распрацаваць і прадставіць на разгляд. Гэта было вашым хатнім заданнем. Паглядзім, як вы яго выканалі», — заявіў Лукашэнка.
Паводле яго, цяпер пытанне рэгулявання цэн для Беларусі не такое актуальнае, як у 2022 годзе.