Імя віцебскага журналіста Каржанеўскага зноў з'явілася ў судовым раскладзе
На 27 лютага анансаваны разгляд ягонай справы паводле ч. 2 арт. 19.10 КаАП (распаўсюд нацысцкай сіволікі і атрыбутыкі). Працэс у судзе Першамайскага раёна Віцебска пройдзе пад старшынствам Кацярыны Цыбульскай, заўважыла «Віцебская вясна».
Георгій Каржанеўскі
Тая ж суддзя судзіла Георгія Каржанеўскага 7 лютага. Тады яго вінавацілі за «распаўсюд экстрэмізму» ў інтэрнэце паводле ч. 2 арт. 19.11 КаАП і паводле ч. 2 арт. 19.10 КаАП.
Увесь гэты час Георгій Каржанеўскі не выходзіў на сувязь, яго прысутнасць у сацыяльных сетках таксама не была заўважана.