Памёр заслужаны артыст Беларусі Аляксандр Яравы
Пра гэта паведаміла прэс-служба Ансамбля песні і танца УС Беларусі. Артысту было 77 год.
Аляксандр Яравы. Фота: сацсеткі
У Ансамблі УС Аляксандр Яравы працаваў салістам і вакалістам з 1968 года.
Яравы — аўтар кампазіцый «Вясна Перамогі», «Афіцэры Беларусі» і іншых. За час творчасці артыст выпусціў кнігу пра Ансамбль УС Беларусі.
Развітанне з Аляксандрам Яравым прайшло ў суботу 22 лютага.