Зянона Пазняка і яго «Вольную Беларусь» прызналі экстрэмісцкім фармаваннем
Апроч 80-гадовага палітыка, дачыненне да руху маюць Алена Самусева і Віктар Каралькоў.
Зянон Пазняк
Міністэрства ўнутраных спраў абнавіла спіс экстрэмісцкіх фармаванняў. Пад нумарам 262 у яго ўключылі рух «Вольная Беларусь» Зянона Пазняка.
На думку міліцыі, злачыннымі з'яўляюцца дзве арганізацыі — Беларускі нацыянальны сакратарыят «Вольная Беларусь» і Каардынуючая ўправа нацыянальна-вызвольнага руху «Вольная Беларусь».
Датычнымі да іх называюцца сам Зянон Пазняк, а таксама Алена Самусева і Віктар Каралькоў.