У ЕС узгаднілі 16-ы ад пачатку вайны пакет санкцый супраць Расіі
Як паведаміў журналіст «Радыё Свабода» Рыкард Ёзвяк, міністры замежных спраў краін Еўрасаюза фармальна прымуць пакет у панядзелак. Ён прымеркаваны да трэцяй гадавіны пачатку вайны. Гэта будзе ўжо 16-ы ад пачатку вайны пакет санкцый супраць Расіі.
Што дакладна ў пакеце, пакуль не вядома. СМІ паведамлялі пра санкцыі супраць звадкаванага прыроднага газу, нафтавых танкераў з ценявога флоту Расіі, абмежаванні на імпарт расійскага алюмінію, а таксама персанальныя санкцыі.