Памёр Аляксандр Машэўскі
На 85-м годзе пайшоў з жыцця выбітны беларускі навуковец, доктар-анколаг Аляксандр Альфрэдавіч Машэўскі, доктар медыцынскіх навук, прафесар, член праўлення Беларускага таварыства анколагаў, паведамляе Мінздароўя.
Аляксандр Альфрэдавіч нарадзіўся ў Смаленску, скончыў Данецкі медінстытут.
Прафесійны шлях пачаў з пасады хірурга, потым галоўнага доктара медсанчасткі шахты «Паўночная» Данецкай вобласці.
З 1968 года назаўжды звязаў сваё жыццё з НДІ анкалогіі і медыцынскай радыялогіі Міністэрства аховы здароўя БССР (сёння Рэспубліканскі навукова-практычны цэнтр анкалогіі і медыцынскай радыялогіі ім. М.М. Аляксандрава).
Прайшоў шлях ад доктара лабараторыі комплекснай тэрапіі да намесніка дырэктара па навуковай рабоце. З 2015 года працаваў на пасадзе старшыні Цэнтральнай экспертнай камісіі па раннім выяўленні анкалагічных захворванняў.