Маці асуджанага на 17 гадоў анархіста Францкевіча будуць судзіць за «садзейнічанне экстрэмісцкай дзейнасці»
Суд над Таццянай Францкевіч і яе сястрой Наталляй Лабацэвіч пачнецца 10 лютага, піша «Вясна».
Фота: Белсат
Таццяну Францкевіч і Наталлю Лабацэвіч абвінавачваюць паводле арт. 361-4 КК (садзейнічанне экстрэмісцкай дзейнасці). Сясцёр затрымалі 19 ліпеня 2024 года ў Наваполацку, калі яны прывезлі перадачу Аляксандру.
Справу іх будуць разглядаць у Віцебскім абласным судзе 10 лютага. Працэс будзе весці суддзя Галіна Бондал.
Нагадаем, Таццяна — маці палітзняволенага Аляксандра Францкевіча, асуджанага да 17 гадоў і 9 месяцаў калоніі. Наталля — маці экс-палітвязня Іллі Лабацэвіча, які адбыў паўтара года ў зняволенні.