У Воранаве 19-гадовы хлопец патануў з машынай
Аўтамабіль перакуліўся і скаціўся ў возера. Следчыя цяпер працуюць на месцы смяротнага ДТЗ у Воранаве.
Паводле папярэдніх звестак, сёння каля 4 гадзін у раённым цэнтры 19-гадовы кіроўца аўтамабіля Audi не справіўся з кіраваннем. Транспартны сродак з'ехаў на абочыну, перакуліўся, пасля чаго ўпаў у вадаём.
Аўтамабіль выняты з вады супрацоўнікамі МНС. Устаноўлена, што ў момант аварыі, у іншамарцы знаходзіўся толькі кіроўца. Ён загінуў.