Стала вядома, колькі сёлета давядзецца заплаціць за натуральную навагоднюю ялінку
Напярэдадні зімовых святаў кіраўніца ўпраўлення арганізацыі гандлю і грамадскага харчавання Міністэрства антыманапольнага рэгулявання і гандлю Наталля Мельнікава расказала пра цэны на натуральныя навагоднія ялінкі.
Па словах чыноўніцы, навагоднія ялінкі пачнуць прадаваць у Беларусі з сярэдзіны снежня — усяго па краіне будзе працаваць 590 ёлачных кірмашоў.
Назвала прадстаўніца МАРГ і прыкладныя рознічныя цэны на натуральныя навагоднія ялінкі:
- вышынёй да 50 сантыметраў — 5 рублёў;
- вышынёй да 1 метра — 13 рублёў;
- вышынёй да 2 метраў — 16 рублёў;
- вышынёй да 3 метраў — 23 рублі.
Калі дрэва раптам будзе яшчэ вышэйшым, то адпаведна больш давядзецца і заплаціць.
Ялінкі ў кадках можна будзе набыць па цане ад 28 рублёў, а ёлачныя букеты — ад 4 рублёў.
Чытайце таксама:
У грамадскім транспарце ў Мінску можна будзе адправіць ліст Дзеду Марозу
Навагоднія кірмашы ў Мінску адкрыюцца праз два тыдні
Стала вядома, калі запаляць агеньчыкі на елцы на Кастрычніцкай плошчы
У Мінску з'явілася казачна прыгожая навагодняя лакацыя
Стала вядома, як сёлета будуць выглядаць навагоднія елкі ў Мінску ФОТЫ
Ёлачны кірмаш у Мінску адкрыецца 16 снежня