У Мёрах за распаўсюд «экстрэмізму» будуць судзіць ветэрана міліцыі
На аўторак у судзе Мёрскага раёна прызначанае пасяджэнне паводле адміністрацыйнай справы ў дачыненні да Юрыя Пятровіча Барысенкі.
У Мёрскім раёне пад такімі персанальнымі данымі вядомы былы ўчастковы інспектар Савецкага, Узменскага і Перабродскага сельсаветаў, а таксама настаўнік гісторыі школы ва Узменах.
У бытнасць інспектарам, як пісала раёнка, ён не раз звяртаўся да дапамогі ксяндзоў у прафілактыцы правапарушэнняў у раёне.
І, мяркуючы па сацсетках, сам з'яўляецца каталіцкім вернікам. Судзіць яго паводле ч. 2 арт. 19.11 КаАП РБ будзе Ірына Яскевіч, піша «Хрысціянская візія».