Мінчукі расчараваныя салютам на Дзень горада — шмат каментароў
«Прапала свята», «Хіба грошы на нармальныя [салюты] скончыліся».
Салют у Мінску на Дзень горада. Скрын відэа: saniaminsk / TikTok
Традыцыйны салют на Дзень горада ў Мінску ў гэтым годзе не выклікаў захаплення ў тых, хто яго назіраў. У сацыяльных сетках фактычна адсутнічаюць станоўчыя каментарыі. Людзі дзеляцца сваімі ацэнкамі відовішча.
Некаторыя заўважаюць, што прыехалі з іншых гарадоў, каб павесяліцца на свяце і паглядзець салют, але засталіся расчараванымі.
Адзначаюць, што ў іншых гарадах салюты лепшыя.
Не абышлося і без жартаў пра тое, што «салют адсырэў», «купілі на Вайлдберыс» і «ў панядзелак дойдзе да Лукашэнкі».
Некаторыя спрабуюць апраўдаць улады і заўважаюць, што абяцалі не салют, а феерверк.
Частка людзей выказала шкадаванне, што грошы накіроўваюць не туды. Лепш бы дарогі адрамантавалі.
Чытайце таксама:
У Мінску сёння адзначылі Дзень горада ФОТЫ
У Лельчыцах Дзень горада правялі ў дыме з чарнобыльскай зоны